فراخ مشوية تحفة بموت فيها

السلام عليكم
ده أول موضوع ليا فى قسم المطبخ يارب يعجبكوا
يلا نبتدى
المقادير:
دجاجة مقطعة 8 أجزاء
بصلة متوسطة
معلقة كبيرة مسطردة
2فص توم كبار
2معلقة كبيرة زيت ذرة
2 حبة طماطم متوسطة
قرن فلفل رومى أو حامى حسب الرغبة
معلقة صغيرة خل
معلقة صغيرة من التوابل دى (ملح -فلفل-بهارات-زعتر-سماق-روز مارى-جنزبيل بودر)
الطريقة :
بعد ما نغسل الفرخة كويس بالخل والملح نقطعها 8 أجزاء ونتركها على جنب
ونجيب الخلاط ونضع فيه البصلة ونقطعها مكعبات كبيرة ثم نضع الطماطم مكعبات
كبيرة برضه ونقطع التوم والفلفل ونحطهم عليهم ثم نضع المسطردة والزيت
والتوابل والخل ونضربهم كويس هتتكون عندك الخلطة مش هتكون سايلة قوى هتكون
ماسكة نفسها زى الكريمة وبعدين نحطها على الفراخونقلبها كويس ونتركها فى
التلاجة لمدة يوم كل ما تسبيها فى التتبيلة فترة أطول هيكون طعمها أحلى بس
أنا ساعات ببقى مستعجلة فبسيبها فى التتبيلة 4-5 ساعات وبعد ما تخرجيها من
التلاجة تحطيها على النار وتسبيها تغلى غلوتين هتلاقيها بتنزل ميتها
وأختبريها بالسكينة لو لقتيها أبتديت تستوى أقفلى عليها وعلى فكرة مش
بتاخد وقت طويل عشان التتبيلة بتخليها تستوى بسرعة وبعدين تصفيها من الصوص
وتشويها أنا بشويها على الشوايه السلك اللى بتتحط على البوتاجاز طعمها
بيبقى تحفة بجد وبعملها كده على طول
وعلى فكرة ممكن بعد ما الصوص بتاعها يبرد تشيليه فى الفريزر وتستعمليه مرة تانيه
ياريت تجربوها وتقولولى رأيكوا

تسلم الايادي

ذكية

شكله يجنن وطعمه اكيد الذ

دمتي بود ....

سبحان الله وبحمده سبحان الله العظيم

يسلموووووووووووووو ولاتحرمينا جديدك

» كبدة مشوية في الطاسه
» فراخ متحمرة بس ايه
» فراخ بالباشاميل
» سمك فلية بالطحينة تحفة
» فراخ بالبشاميل روعة