وصفات كتيييييييييييييير حلويات دايت

شراب الحلويات(الشربات) 0 سعر
20 قرص تحليه صناعى
كوب ماء نص لمونه
الطريقه
نغلى كوب الماء مغلى نحط السكر و اللمون بس كده

2 كريم كراميل 470 سعر 4اطباق
2 كوب لبن لايت 160 سعر
8 اقراص سبلندا (سكر دايت )النوع اللى يتحمل الحراره او يدخل الفرن
2 ملعقه سكر لاعداد الكراميل 50 سعر
3 بيضات 240 سعر
ملعقه صغيره ممسوحه نشا 20 سعر
فانيليا
الطريقه
هنحط ملعقتين السكر فى طاسه تيفال على نار خفيفه و لا يقلب حتى يتغير لونه
للبنى الكراميل و يجب الا يحرق هنضيف ملعقه كبيره ماء و نقلب حتى يفك و
ممكن نضيف قطرات من الماء كل شويه و نبقى نكثفه و نحطه فى قالب بيركس
هنحط اللبن على النار مع النشا
النشا مش كافى لتكثيف اللبن احنا بس بنسويه شويه و لما يبرد
ضعى البيض و اللبن و الفانيليا و السكر الدايت فى الخلاط حتى يصبح لونهم
ابيض هنصب المزيج فى قالب الكراميل و نغطيه بالفويل و هنحطه على حمام مائى
فى الفرن درجه حرارته واطى لغايه ما تهزيه تلاقيه متماسك شويه ثم يوضع فى
الثلاجه و يقدم بارد
3 ايس كريم كوب 200 ملى (جرانيته) من 50 الى 200 سعر حرارى
اى فاكهه تحتوى على الياف فراوله مانجو اناناس توت
هنجمدها فى الفريزر و نحطها فى الكبه و نفرم و هى مجمده و نحط سكر دايت حسب
الرغبه و تقدم بالهنا

4 كيكه الزبادى 2300 سعر على 12 الحصه 200 سعر فقط
المقادير
معيار القياس هوكوب الزبادى
4 كوب زبادى لايت 160 سعر
4 كوب سكرفركتوز (بتاع الزبادى) 600 سعر
4 كوب دقيق قمح كامل او عادى 1200 سعر
4 بيضه 320 سعر
بياض بيضه 20 سعر
فانيليا
بيكنج باودر
الطريقه تخلط المقادير مع بعض بمضرب البيض او فى الخلاط و توضع فى صينيه
مدهونه سمن فى فرن هادئ لمده من ربع ساعه الى ثلث ساعه حسب سمك الصينيه و
عندما تخرج من الفرن تسقى بشربات بارد (شراب السكر الدايت)

كل المعجنات نضع مع الدقيق ذرة ملح (سنه
عن الرسول صلى الله عليه و سلم)
5 تورته الفاكهه 2700 سعر على 12 الكميه كبيره =225
للفرد يمكن ازاله 2 ملعقه دقيق و استبدالها بالكاكاو و تصبح كيكه شكولاته
8 بيضه 640 سعر
كوب وربع سكر فركتوز375 سعر
علبه فواكه كمبوت معلبه فى عصيرها مش سكر 400
بيكنج باودر
فانيليا
كوب و ربع دقيق ابيض او كوب دقيق اسمر900 سعر فى حاله استخدام الدقيق
الابيض
كريم شانتيه 250 سعر
ملعقه زيت و ملعقه ماء 100 سعر
الطريقه
يضرب البيض لوحده لما يبقى مارنج (متماسك جدا)
يضرب الصفار مع السكر و الفانليا
نضيف الزيت و الماء
نضيف الدقيق و البيبكنج باودرملعقه ملعقه و مره نلف بالملعقه فى العجين و
مرة نقطع العجين بالملعقه و هكذا بالتوالى (طريقه اللف و القطع)ثم يضاف
البيض و يقلب بنفس الطريقه
تبطن الصينيه بالسمن و الدقيقحتى الحافه فى فرن وسط
بعد ما تبرد تسقى بعصير الكمبوت و تقطع نصفين افقى و تزين بالكريم شانتيه

6 صوص التفاح
يستخدم صوص التفاح كبديل عن الدهون فى وصفات الكيك و يستخدم مقدار من الصوص
كبديل لنفس المقياس من الدهون

3 حبه تفاح مع ربع كوب ماء و يرفع على النار حتى يصبح التفاح طرى يضرب فى
الخلاط مع بضع قطرات من الليمون عشان التفاح ما يسودش وملعقه سكر او عسل
ابيض او عسل اسود ممكن اضافه التوابل و المنكهات مثل بودره الحبهان او
القرفه او قشر البرتقال
7 المربى الدايت
ربع كيلو من الفاكهه اى نوع مغسول و مقطع
كيس جيلى دايت من نفس نوع الفاكهه(فيه سكر صناعى)
نص كوب من الماء
الفاكهه تضرب فى الخلاط ثم نضعها على النارمع الماء و لما تغلى نضع كيس
الجيلى و نقلب و لما الجيلى يدوب نرفعه من على النار و يبرد ثم نضربه مره
ثانيه فى الخلاط بعد ما يتماسك بشكل متقطع حتى نجصل على بعض الكتل مثل
المربى
8 الباستافلورا كيكه المربى 3000 سعر صينيه كبيره على 30
= 100 سعر
كوب صلصه التفاح مع ملعقه زيت 200 سعر
3 بيضه 240 سعر
بيكنج باودر
فانيليا
كوب مربى مشمش دايت 300 سعر
2 و نص الى 3 كوب دقيق حسب الحاجه 1800 سعر فى حاله 3 كوب
كوب سكر فركتوز 400 سعر
نضرب السكر مع البيض لما يبيض ثو صوص التفاح ثم الفانيليا و الدقيق و
البيكنج باودر و تعجن باليد العجينه متماسكه شويه مش ناشفه (تشكل)
نبطن صينيه كبيره بالسمن و نضع كميه العجين و تفرد
نضع المربى على السطح و باقى العجين يشكل على هيئه شرائط توضع فوق المربى و
توضع فى الفرن

9 كيكه الذره 1120 سعر على 10 صينيه صغيره =110 سعر
كوب دقيق ذره 240 سعر
ثلاث ارباع كوب سكر فركتوز 300 سعر
نص كوب صوص التفاح 100 سعر
6 بيضه 480 سعر
بيكنج باودر و فانيليا
نضرب بياض البيض لوحده و الصفار لوحده هنضيف السكر و الفانيليا للصفار ثم
نضيف البياض ثم الدقيق و البيكنج باودر و يقلب بطريقه اللف و القطع ندهن
صينيه بالسمن و نضع فيها الخليط فى فرن متوسط الحراره
10 كيكه البرتقال 2400 سعر على 20 =120
5 بيضه 400 سعر
وزنهم صوص تفاح 250 سعر
وزنهم سكر فركتوز 800 سعر
وزنهم دقيق 900 سعر
بيكنج باودر فانيليا
بشر 2 برتقاله
عصير برتقاله 50 سعر
نضيف كل ما هو سائل و يضرب فى الخلاط ثم الدقيق و البيكنج باودر و
الفانيليا و يصب الخليط فى صينيه مدهونه و توضع فى فرن متوسط

11 الاكليرو بلح الشام و البروفيترول 1040 كميه كبيره
كوب دقيق 600 سعر
كوب ماء
ملعقه و نص سمن 200 سعر
4 بيضه او 3 حسب حجم البيضه 240 سعر
نضع الماء على النار حتى يغلى و نضع السمن و ننزله من على النار و نضع
الدقيق دفعه واحده و نقلب بسرعهو لما يبرد العجين نضع البيض و نضعه فى
الفرن بعد ما يشكل لو حشيناه بيوريه فاكهه يبقى اكلير دايت اما لو سقيناه
بالشربات الدايت يبقى بلح الشام
الاكلير حجمه اكبر من بلح الشام مقدار 1 الى 8 اما البروفيترول يرص فى
الصينيه فى حجم البندقه و يخبزو يقدم مع بودنج الشكولاته اللايت
12 ارز بلبن 700 سعر
كيلو لبن دايت 320 سعر
100 جم ارز او نص كوب 370 سعر و يمكن استخدام نفس المقدار من دقيق
الارز(ارز مفروم ناعم بتاع كفته الارز)
15 قرص سكر دايت مذاب فى ملعقه ماء مغلى
فانيليا
كوب و نص ماء
نضع الماء مع الارز المغسول على النار حتى يبدأ الارز فى السواء ثم نضيف
اللبن و الفانيليا و بعد ان يبدأ الخليط فى التجانس نضع السكر و يقسم على
لطباق التقديم
13 البابا 1250 سعر
كوب دقيق 600 سعر
خميره
3 ملعقه كبيره زبد 300 سعر
نص ملعقه كبيره سكر 30 سعر
4 بيضه 320 سعر
فانيليا للشراب و ليس للعجين
نضع ربع كوب دقيق مع الخميره المذابه فى 3 ملاعق ماء و يترك ليتخمر
نضرب الزبد ثم البيض ثم باقى الدقيق و نضيفه للعجين اللى تخمر و نخلط و
نصبه فى قوالب مدهونه للمنتصف و يترك مره اخرى ليتخمر و نضعه فى فرن حار
جدا لمده 15 دقيقه و يسقى بالشراب البارد و هو سخن و نفضل نسقى الى ان
يتشرب بالكامل
14 الترايفل
اى نوع كيك دايت محسوب سعراته او بسكوت ساده ممكن
(توينكيز)
نضع الكيكو فواكه الاحسن مجففه زبيب مشمش ممكن موز و تفاح و نصب عليه جيلى
ساخن و نضعه فى الثلاجه و لما يبرد نضع طبقه رقيقه من الكاسترد و المكسرات و
احسبوا سعراتهم على حسب المكونات
15 القطايف 940 سعر
كوب و نص دقيق 900 سعر
ملغقه صغيره سكر 20 سعر
ارجو من المشرفات رفعه للموضوع الاصلى و شكرا
ملعقه صغيره بيكنج باودر
ربع كوب لبن لايت 20 سعر
ثلاث ارباع كوب ماء
ذره ملح
تضرب المقادير فى الخلاط و تترك لترتاح نص ساعه
يسخن طاسه تيفال و نضع مقدار 2 ملعقه كبيره عليها و لما السطح يجف ترفع من
على النار و تحشى و تسوى فى الفرن

براونيز دايت
المقادير
200 جم صوص التفاح
200 جم سكر فركتوز
فانيليا
300 جم دقيق و لا ننسى ذره ملح
50 جم كاكاو
5 بياض بيض
الطريقه ندهن الصينيه بالسمن و الدقيق
نضع الصوص مع السكر و نضربهم مع بعض ثم بياض البيض ثم الملح و الفانيليا ثم
الدقيق و الكاكاو و العجينه بتبقى متماسكه و ناشفه فى فرن على 180 فى
الوسط لمده 25 دقيقه









كيك الشوكولا من الفتوكه yaralemoكيك الشوكولا الصحية


المقادير:
2 كوب طحين =1200 سعر
1 كوب سكر =774 سعر
نصف كوب زيت = 963 سعر
2 بيضة = 160 سعر
ثلاث لرباع كوب زبادى = 80 سعر
ثلاث ارباع كوب كاكاو = 147 سعر
1 ملعقة صغيرة ملح = 0 سعر
1 ملعقة صغيرة فانيليا
1 ملعقة صغيرة باكينج باودر = 2.4 سعر
1 ملعقة صغيرة من بيكربونات الصوديوم = 0
سعر

الطريقة:
- يخفق البيض
مع الفانيليا فى الخلاط
- - يضاف
السكر و صوص التفاح مع استمرار الخفق
- - يضاف
الطحين و الباكينج باودر و الملح بالتناوب مع الماء و اللبن الزبادى و
نتابع الخفق
- - اخيرا
يضاف الكاكاو و نخفق لمدة دقيقتين
- - يصب
المزيج فى قالب مبطن بمقدار ملعقة طعام طحينة (انا استعملت زيت و دقيق)
- - يخبز فى
فرن محمى متوسط الحرارة حتى ينضج

- ثم يقسم الى 15 قطعة نسبة السعرات فى كل قطعة = 200 سعر حرارى
طبعا هى طعمها
ااقل حلاوة من العادى ()كوب و نصف سكر او كوبين)بس انا اتقبلتها جدا
طبعا ممكن
تستبدلوا مقدار من السكر الابيض بالاسمر و هيدىلها طعم ااقوى او تضيفوا لها
سكر دايت للمخبوزات و مش هتفلرق عن العادية خالص

الحلاوه الطحينيه نص
دايت
ملعقه كبيره طحينه
سائله مضاف لها سكر صناعى بودره بس


بسكوت العسل
كوب و ربع دقيق ابيض
كوب و ربع دقيق بالنخاله
بيكنج باودر
2 ملعقه كبيره عسل ابيض
نص كوب سكر فركتوز
بيضه كبيره او 2 حسب احتياج العجينه
ربع كوب زيت ذره
بشر لمونه
فانيليا
ملعقه كبيره عصير لمون
ذرة ملح

الطريقه
نخلط المقادير الجافه ثم السائله مع ملاحظه ان العجين متماسك نضعه فى صينيه
مدهونه مع مراعاه ان يكون العجين بارتفاع 4 سم فى فرن وسط لمدة 25 دقيقه و
نطلعه من الفرن و لما يبرد يقطع شرائح و يرص بالعرض فى صينيه و ندخله
الفرن مره اخرى حتى يتحمص لمده 3 دقائق