تارت الشيكولاته والبندق البسيط

بسم الله الرحمن الرحيم

السلام عليكم ورحمة الله وبركاته

التارت الجميل ده انا عملته من يومين
وطلع سهل اوووي عشان بيدخل الفرن مرة واحدة بس

يعني مش تسويه الاول لوحده وبعدين تحطي الحشوة
وتدخليه تاااااااااااااااااني الفرن والجميل ان النتيجة النهائية
بتبقى تحفة والاهم انه سهههههههههل




بسم الله ندخل في المقادير



مقادير التارت


2 ك دقيق
6 م ك زبدة بااااااردة مملووووءة

2 صفار بيض كبير بارد

4 م ك سكر
رشة ملح

2 م ك عصير ليمون
حوالي عصير ليمونة واحدة

2 الى 3 ملاعق كبير ماء
بااااااااااااااارد جدا


مقادير الحشوة


1 ك سوداني او
بندق او لوز صحيح محمص
تطحنيه بودرة مع 1 م ك سكر

3 بيض كبير

6 م كبيرة قشطة مملوءة

3/4 ك سكر

4 م ك كاكاو

1 م ك مربى فراولة أو أي نوع
لدهن قاعدة التارت


رشة ملح

فانيلا

الطريقة


تحطي الدقيق
والزبدة والسكر والملح وصفار البيض
ببولة وتفركي الزبدة باطراف اصابعك

لغاية ماتبقى العجينة عاملة زي
البقسماط الخشن

والزبدة تكون زي حبات البازلاء الصغيرة


بعدها تحطي عصير الليمون وتقلبي
العجينة بايدك بدون عجن

اخر حاجة تحطي الماء الباااااااارد
وتحطي معلقة ورا معلقة

عشان ممكن العجينة مش تحتاج الا 2 م
كبيرة ماء بس

لما تلاقيها بقت كرة متماسكة مع بعضها
خلاص

افرديها بالنشابة سماكة متوسطة ولو
احتجتي دقيق للفرد
حطي بس يادوب 1 م ك فقطططط
عشان مش يزيد مقدار الدقيق في التارت
وافردي العجينة اكبر من مقاس الصينية
بحيث لما تحطيها
في الصينية تكون مغطية صينية التارت


المهم بعد ما
تفرديها حطيها في صينية تارت مدهونة

وافردي العجينة على الجوانب وقعر
الصينية طبعا

وشيلي الزوائد اللي على جوانب الصينية
بسكينة

وحطي الصينية في الثلاجة 25 ل20 دقيقة


لتبرد تماما

في الوقت ده اعملي الحشوة



اخفقي بمضرب كهربائي البيض والسكر
والملح والفانيلا
لينفشووووووووا ويكون لونه فاتح

وبعدين حطي القشطة
وبرده اخفقي دقيقتين

وبعدها انخلي الكاكاو على الخليط ده
واخفقي ليندمج


اخر حاجة حطي البندق او السوداني
المطحون
بودرة واخفقي أخر مرة

اخرحاجة سهلة اوووووي هتدهني قعر
التارت بالمربى اللي بتحبيه

وبعدين

هتحطي الحشوة اللي عملتيها دي على
المربى المدهونة

وتساوي الوجه

وتدخليها فرن ساخن حرارة هادئة
150 درجة

عشان يستوي التارت كويس وبعده الحشوة
تتماسك
باذن الله وترتفع لانها زي الكيك بالضبط
بس خفيفة وبدون دقيق

بعد مايستوي يبرد تماما او تقطعيه وهو
دافيء مش ساخن

وممكن تزينيه بكريمة مخفوقة او كاكاو
على الوجه او ترشي عليه مكسرات
بتحبيها او تقدميه مع ايس كريم فانيلا يعني انتي وابداعك


او تخليه كده هو مش محتاج



بسم الله ندخل في الصور






دي صورة للتارت من فووووق
زينته بالكريمة وحطيت عليها حبات شوكولاتة

دوائر






ودي صورة له من الجنب والحمدلله التارت
لونه دهبي







ودي صورته لما قطعته






ودي قطعة منه ياسلام ياسلام



وبسسسسسسسسس كده وممكن لو مش عايزة
تعملي تارت كبير تقطعي دوائر بقطاعة وتحطيها في
صينية المافن وتحشي كل واحدة بالحشوة
ويبقى عندك وحدات تارت صغيرة
بس انا بحس انها غلبة

وبصراحة اي نووع مكسرات في التارت ده
بيقى راائع

سواء كان سوداني أو لوز او بندق




والف هنا وعافية
على قلوبكم يارب