أحدث الافشات بعد القبض على علاء وجمال مبارك

تاريخ 13 ابريل 2011 تاريخا لن ينساه المصريون ولا رؤسائهم القادمون، وكيف
يمكن نسيان ذلك التاريخ وهو الشاهد الأول على سقوط أسرة الرئيس المخلوع
حسني مبارك، التي قد يسميها التاريخ "أسرة طرة".

واستكمالا لمشهد
السقوط المدوي الذي كان أبطاله إلى جانب الأسرة المخلوعة كل من فتحي سرور
رئيس مجلس الشعب الذي حصل على لقب "السابق" بعد أكثر 20 عاما، والمستشار
مرتضى منصور الذي يعد أحد أشهر الشخصيات المثيرة للجدل في مصر.

وبالطبع،
وكعادة الحياة اليومية المصرية على الانترنت، ظهرت الصفحات الفيسبوكية
والهاشتجات التويترية احتفالا بالحدث الأهم منذ قيام ثورة 25 يناير.

سيناريوهات
كاملة رسمها شباب موقعي تويتر وفيس بوك لمشهد "السقوط الكبير"، فتعامل
المصريون مع الموقف على طريقة القبض على عبد الصمد أفندي في فيلم "على باب
الوزير"، حيث يسقط رب الأسرة فتنهال الصرخات من "النسوان"، وهن في حالة
الأسرة المخلوعة صديقات سوزان مبارك اللاتي أنشأن صفحة خاصة لمواساة
صديقتهم "أم عيلاء" فيما أصاب أسرتها من سجن، في صفحة خاصة تحمل "قلبي
عندك يا أم عيلاء".

أما الإفيهات المصرية التي بدأت بمجرد انتشار
خبر بدء التحقيقات مع مبارك فكانت أكثر سخونة وسخرية في هاشتاج "بورتو
طره"، حيث حمل هذا الهاشتاج الكثير من الافيهات على مبارك ونجليه وزوجته،
لا يصلح أغلبها للنشر لما تحتويه على الكثير من الألفاظ والأفكار الجميلة!

ومن أطرف ما جلبته تلك التعليقات على الأسرة المخلوعة:

فى السنة اللي قالوا فيها جمال هيبقي الريس حبسناه هو و ابوه. الشعب المصرى ... أم الأجنبي

أصول برضه يا جماعة حد يوعي جمال و عيلاء علشان مستجدين في السجن : لو الصابونة وقعت في الحمام مايوطوش يجيبوها

يعز من يشاء ويذل جمال وعلاء!

واللى كان قاعد فى البلكونة بيشرب سيجارة ولسه داخل نقوله إن مبارك وولاده كل واحد فيهم خد 15 سنه

وزي ما قال الريس .. سجن طرة كويس

عاجل| سماع اصوات استغاثه من زنزانة جيجي ولولو فهم يصرخون : ماما عاوزيين ناكل بيتزا

لكل حرامي في بلادي...سجن طره بينادي

مساجين طرة استقبلو علاء وجمال باغنيه : ماما زمانها جاية، جايه بعد شويه، معاها لعب وحاجات

المذيع:ما رأيك في ما يقال عن أن النظام السابق يمثل حكومة موازية في طرة؟ المواطن المصري:خليهم يتسلوا

تحت مظلة ماما سوزي: مشروع السجن للجميع

عاجل: مساجين طرة يتظاهرون مطالبين برحيل النظام

علاء ، جمال ، مبارك ، سوزان . . . . . . انها حقا عائلة محترمة و احلى من الشرف مفيش

لازم مبارك أول ما يشرف طره يطلع يقول لنا "سجن طره علشان تتطمن على مستقبل ولادك"

ومن الناس اللى لسه مشرفوش فى بورتو طره شفيق بتاع البونبونى والهايد بارك يبقى يوزع على المساجين فى طره زى ماهو عاوز

عاوزين
ترجعوا السياحة لمصر ..يبقى نهتم بالسياحة الداخلية ....نعمل رحلات
للمواطنين لسجن طره .على ان تكون الرحلات شاملة وجبة كنتاكى

اللي أوله شرم .. آخره طره

سرور اتحبس مع جمال وعلاء عشان مايضربوش بعض طول الليل ... موافقة

نداء إلى النائب العام .. ياريت نزود ارتفاع سور سجن طرة علشان نظيف شايف البحر من عنده

هي ماما سوزي وبابا حسني مش ناوين يروحوا يطمنوا علي الأولاد شربوا اللبن و لا ضحكوا علي اونكل السجان ؟