ولا ثوره مضاده ولا دياولو

ولا ثوره مضاده ولا دياولو


ــــــــــــــــــــــــ


ـــــــ



ثـــورة مصر اندلعِت تِسْــــــري


مَسْــرَى الدم من الشراييـــــــــن


من إحســــاس الشعـب المصري


قـــهْـر وذل بقالــُــه سنيـــــــن


يعنــي الثـــوره ابتدئـت بَـــدْري


مش من يوم خمسه وعشريــــن


لكن ثـــوره مضاده ف ضهري


بتلـَدَّغ لدغ التعـــــــابيـــــــن


هتخلص ترياقها وتجـــــــري


طيب هتلاحِق علـــى ميــــن


ومهما السم بتاعها بيســـــري


مش هيأثر ف الملاييـــــــــن


تمانين مليون واحد مصـــري


منهم قــول مليون حاضريـــن


فــي ميدان التحرير من بدري


قـُدامهُــم واقِــــــــف أسَــديــن


وتحت الكوبري الميَّـه بتِجري


فرحانـــه بشباب صامديــــــن


بتفكـَّرني بيوم ما عرابــــــــي


لما وقِف ف ميـــدان عابديــن


كانت برضو بدايـــة ثـــــوره


قايم بيهــــــا نــاس جامديــــن


واجهوا السلطان بقلوب فايره


ودا كان سلطـــان م الملاعين


لامِــم حواليه جُند ف دايـــره


شـرْكـَــس مـــع بريـِـطـانيين


وشبابنا اليـــوم وقفــوا ونادوا


بمُـحـَــاسْـبـــة كل الفاسديـــــن


ولصوص ركبوا علينا وسادوا


ورئيس حاطط ودْنُه ف طيــن


برضُـوُ شبابنــا وقفـُوا قـْصاده


ولكل حقوقنــــــــا مطـــالبيـن


وبقـِيـِت الملاييــــن بقلوبهُـــم


وعقولهم كانــــوا مُــوافقيـــن


يعنـــي دي ثورة شعـــب وأمَّه


مش هوجه وتخْلص في يومين


واللـــي اتسمُّـوم ثوره مضاده


دول حبِّـــة ناس مأجُــــــورين


ومهمـــا يكونوا ألوف وزيـاده


إن شــــــاء الله منهزميـــــــن


وآدي الثـــوره وزي العــــاده


حاكمت ناس كــــان مسئولين


وآدي أولاد حسنــي مبـــارك


فـــي الزنزانـــــه منتظــرين


وسرور وشريف كان قبليهُــم


والــدور علـــى باقــي التانيين


واللــــي ابتدعوا ثوره مضاده


( إسم غريب معرفش منين ! )


ناس جرايمهم ماليــــه الدنيــا


خايفين يبقوا ف يوم مساجين


حاولــوا يهزوا جـــدر الثوره


لاكنـــه راســـــخ ومتيـــــــن


ملقوش غير أساليــب السفـَـله


ويدقــُّـــوا شويِّــــة أسَــافيــن


ويشككــــوا في نزاهة جيشنـا


إللي رباطـُه ليـــــوم الديــــن


ويفرَّقـُــــــوا مسلـِـم ومسيحي


مـــــع إن اللتنيـــــن أخـِّيــن


أو دا سُنـِّـــي مخالف شيعـي


أو دي جماعـــــة السلفيــيــن


ويدخـَّلوا مصر ف دوَّامــــه


بمعــــــــارك ف أمور الدين


لاكِــن ألاعيبهُـــم مكشوفـــه


وحركاتهُم هتخيل على مين ؟


واللي يقولوا ثوره مضــــاده


يبقوا أكيد ناس مش فاهميـن


دول مجموعه وإجراميـــــه


من حبه كانوُم مساجيـــــــن


لمُّوهم فـــــي أمن الــــدوله


علشــــان يبقـُــوا احتياطيين


لمَّـا تقوم النـــاس بمظاهره


ينزلوا وسْــطيهم ضاربيـن


وامّــا ولادنا الثوَّار وقفوا


ف ميدان التحرير صلبيــن


قدروا بعزم ودم الشـُهـــــَدا


يخلعـــوا حزب المنتفعيــــن


لكن ناس في الحزب الوطني


كانــــوا أصلا ًناس خاينيــن


لمُّـــوا سوابـِـق أمن الدولــه


زقـُّهُـــوم ع المُـتـَـظاهـْـرين


يعني دي مجموعه ومأجوره


وقبل مـــا يتعاركوم قابضين


ولا ثوره مضـاده ولا دياولو


دول حبة خونــــه وجاهليـن


تفكيرهم على قــد عقولهـــم


وعقولهُـــم تافهه ومَسَاكين


دا الثــوره باقيه ومحروسه


بقلوبنــــا مُــوش بالسكاكيـــن


مصر الثوره ف إيد مأمونـــه


أصل الجيش طول عمره أمين


يحمــي بلدنا ويحمي حدودنا


ويزرع ف الــداخل تأميــــن


يقدر يمْحِــــي فلـُـول الوطني


ظاهرين كانـُــوم أو لابديــن


وهَـفـَكـَّرْكـُـم بُكـْــره بلدنــــا


فيهـــا الحُكـْـم هيقى مَتيــــن


فيـــــه الحريـَّـــه المكفولـــه


حَــــق لكــل المصرييــــــن


والتعابين هتخش جحورهــا


أو يبقـُــوُم م البني أدميـــــن


يحترموا رايــــة أوطانهُــم


زي النـــــاس الوطنييـــــن


يعني هتبقى ف مصر حضاره


بعد مــا غابــت عنهــا سنــين


م العصر الذهبـِــي لأجدادنـا


مِـــــن قـُدمـــــاء المصريين


لمَّــــــا ننضف كل صفوفنا


مِـــــن كل النــاس الخاينين


نِعْـــــلا ونعلا ونعلا ونعلا


وهنركب فـُــــوق الواطيين


ونفــــوق لبقيِّـــة إخواتنــــا


فــــي غزه وكل فلسطيــــــن


وف ليبيا وف سوريا وتونس


والسعوديــــه وف البحريــن


وندافِــــــع وبكل جهودنـــــا


علشـــــان حــق العراقييــــن


ونوَّطـــــد علاقـــــات دوليه


مع غرب أوروبا والصين


ونصالح كل اللي خاصمنا


حتى اخوانــــا الإيرانيين


وبكده نبقـــــى دوله قويه


ثروتها شبابها الواعييـــن


إللي هيعبروا للمستقبــــل


زي عبور تلاته وسبعين


يا رب تحقق أحلامنــــــا


قولوا معايا يا رب أمين