تشيز كيك احسن وارخص من الجاهز

الطبقة الاولى:
علبة بسكويت ماري او 4 علب بسكوت شاي ابو نص جنيه + 3 ملاعق كبيرة زبدة + تلت كوب لبن

تطحني البسكوت في المطحنة لغاية ما يبقى عامل زي البقسماط الناعم وتعجنيه بالزبده المتسيحة مع اللبن السخن

ملحوظة: لو استبدلتي الطبقة دي بطبقة كيك اسفنجي رفيعه اوي هتبقى زي الجاهزة بتاعة الكافيهات الكبرى

الطبقة الثانية
علبة جبنه مربعات ممكن تجيبي اكشن بـ 2.75 (عليها عرض 6 قطع + 2 مجانا)
2 قطعة جبنة نستو أي نوع
1/8 جبنه قشطه (زي الجبنة الكوباية بالضبط بس انا جبتها سايبه من هايبر وان التمن باقل من 2 جنيه)
علبة قشطة صغيرة 150 جرام أوقشطة اللبن او سايبة
ظرف دريم ويب أو ملعقتين كريم شانتي سايب بالسكر
عصير ليمونة + بشر قشرتها
بيضتين (انا حطيت بيضة واحدة عشان كان كبير)
معلقتين كبار لبن بودرة

تضربي البيض وتحطي عليه رشة فانيليا او تعصري عليه ليمون وتفضلي تضربي10 دقايق نقريبا وتضربي المقادير التانية في اناء تاني كلها على بعضهاوبعدين تحطي عليها البيض وتضربيهم مع بعش كله بمضرب البيض الكهرباء ولومشعندك اعمليها بالمضرب السلك اليدوي وحطيها عالطبقة الأولى

وبعدين حطيهم في المايكرويف دقيقتين بالضبط ولو في الفرن هيبقى اكترشويه بس مش هتعدي العشر دقايق ممكن اقل وعلى حرارة هادية خالص وبعد لماتبرد حطيها في الثلاجة

الطبقة الثالثة:
ساور كريم (يعني قشطه حامضية) لو هتجيبيها جاهزة هاتي جهينة بس اناعملتها بنفسي جبت علبة زبادي على معلقتين قشطة كنت مخنصراهم من مقاديرالطبقة الثانية ووحطيت عليها ليمون وخل ومعلقة لبن بودره ومعلقة جبنه كريمحادقه شويه وقلبتها

وبعدين تفرشيها عالطبقة الثانية وعالثلاجة

الطبقة الأخيرة:
جيلي توت او فراولة تعمليه بكوب واحد ماء مغلي بدل كوبايتين
بس ينفع تكتفي بكده للطبقة التوبينج بس انا زودت عليها:
قطع فراولة كانت عندي في الفريزر
عصير فيمتو مركز بيدي طعم ولون ومزازة
معلقة صغيرة مليانة نشا

وغليت الميا ودوبت الجيلي وحطيت علها النشا بعد مادوبتها في معلقة مياوحطيت الفيمتو وولعت تاني ثوان بس وطفيت وبعدين حطيت الفراولة المثلجةفخلت الجيلي يجمد أسرع منغير ثلاجة .. اول ما يبدأ الخليط يتقل يبقى عاملزي الصوص هتصبيه ببطء بالمعلقة على وش التشيز كيك بس بالراحه.. وحطيها فيالثلاجة وهممممممممممم يا جمل

ملحوظة: الساوركريم اللي عملتيه ممكن تضيفيه على مقادير الطبقة الثانية وتخلطيه معاها

» احسن قصات شعر للاولاد
» صور المنزل الحائز على جائزة احسن منزل