تراميسوووووووووو جناااااااااااااااااااان

المقادير
2علبه كريم كراميل+ 2كيس كريم شانتيه+ كوب قشطة +2 علبه بسكويت شاى+ بسكويت
بالشيكولاتة توفى لاك
او اى نوع شيكولاتة تحبيه بالشكل ده

اول حاجة هنعملها هنضرب الكريم شانيه بكوب لبن ضرب كويس بالشكل ده

وبعدين هنضيف الكريم كراميل وكوب القشطة و نضرب بالمضرب لغايه مايبقى
بالشكل ده

نكون محضرين قالب بيركس لانى ماعنديش الصينيه الا بتتفك من تحت حطيت فى
القالب البيركس كيس ورصيت عليه الشيكولاتة بالشكل ده

نكون محضرين نسكافيه باللبن معلش نسيت اصورة ونحط فيه البسكوت ونطلعه بسرعة
ونرصه فى قاع الصينيه طبقتين بالشكل ده

ونضع جزء من الكريمة الا حضرناها بالكريم كراميل والكريم شانيه والقشطةفوق
البسكويت بالشكل ده

وبعدين نضيف طبقتين من البسكويت المغمس فى النسكافيه بالشكل ده

بعدين نضيف طبقة من الكريمة

وبعدين اخر طبقة من البسكوت وبعدين الكريمة

اخر طبقة من الكريمة ونزخرفها باى شكل انتى عايزاه بالشكل ده

نحطها فى الثلاجة من بالليل للصبح افضل حتى تتشرب الطعم كله وتتماسك وده
شكلها بعد ما طلعناها من الثلاجة وطلعتها من طبق البيركس

وده منظر تانى ليها


وده شكلها بعد ما اتقطعت شوفوا الطبقات جميلة ازاى

وده طبق التقديم
انا بحب احط على الوش الكراميل الا علبه الكريم كراميل حطيت على الطبق
بتاعى لان اولادى مش بيحبوه


يارب الطبق بتاعى يعجبكم