قصة حقيقية تقطع القلب

ياجماعة الخير هذي قصة حقيقيه
في وحده راحت للعمره وهي تصلي بالحرم اللي بذي المراة اللي تصلي وتبكي قصة حقيقية تقطع القلب Cry

تصلي وتبكي وتدعي وتبكي
المراة استغربت منها وقالت اكيد لها سالفه وكان كل مابين فتره يجيها ولد شاب يكلمها ويروح ويشوف شنو تبي
المراه اخذها الفضول وجلست بجانبها وسالتها ليش تبكين عسا ماشر
فردت وقالت لها والله من العذاب اللي فيني
وليش؟ ايه حكايتك؟!!
قالتلها اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه وهو مارضى بس انا ظليت احن واحن الين وافق
فدورت له على المراة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وما تمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه ماكو احد يمسك الولد غيري
سافروا وخلو الولد عندي وكان الوقت شتا وكنت شابه الدوه(فحم)
والولد عمره تقريبا بين السنه وكم شهر وهو يلعب ويطامر قدامي
وانا بقلبي نار تشتعل مثل جمر الدوه اشلون ياخذها ويسافر ولا ياخدني!!ويخلي الولد عندي الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولك اشلون صارت ايد الولد
واهني حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث
وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
وهو اللي يشوف طلباتي وطلبات البيت ومو مقصر معاي بشي
بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله اشلون حكمة ربك انه صار هالولد خير لي لولا هالولد جان انا حالتي حاله
ويرد يجيها الولد وهو يخبي ايده ويحب راسها ويسالها ها يمة نروح الحين؟؟؟

وعسى ان تكرهوا شيئا وهو خير لكم

منقول للعظة والعبرة

جزاك الله خيرا

» انقلاب عسكري بقطر القيادات السياسية تقطع اجازاتها
» سيول وأمطار غزيرة تقطع طريق «شلاتين – حلايب» وانهيار وغرق 25 منزلاً
» الصور دي حقيقية ولا فوتوشوب
» أغرب قصة حب بالعالم (قصة حقيقية بالصور)
» أسرة "مبارك": حساباتنا المعلنة غير حقيقية