احلى تورتة جيلي

المقادير دي لقالب 24
سم
1_3 باكو جيلي فراولة
2_3ظرف كريم شانتيه
3_نصف كيلو موز
4_2باكو بسكويت ماري الحجم الكبيراو 3 الحجم الصغير
الطريقة:اولا تحضير الجيلي لكل باكو جيلي نص مقدر الميه بتاعه يعني انتي
بتحطيله كوبين ميه لا حطي كوب واحد واعمليه عادي خالص وتجهزي الكريم شانتيه
بالطريقة اللي مكتوبه على الظرف وتسيبيه في التلاجة
_ثانيا هتجيبي القالب بتاعك وتحطي فيه نص كمية الموز طرنشات وسط في السمك
وبعدين تحطي عليها نصف كمية الجيلي وتسيبيه في الفريزر لحد لما يتجمد
_ثالثا هتطلعي القالب بعد ما الجيلي يجمد وتبداي بقا تحطي طبقة كريم شانتيه
وبعدين طبقة بسكوي مرصوص جمب بعضه بالترتيب وعديت تسقي البسكويت ده باي
مغرفة او كوب او اي حاجة عندك بالجيلي وتدخليه الفريزر تاني عشر دقايق
وبعدين تطلعيه وتحطي طبقة موز وبعدين طبقة كريم شانتيه وبعدين طبقة بسكويت
وتسقيه تاني وهكذا لغاية لما يخلص المقدار بتاعك
_رابعا دخلي القالب في الفريزر لغاية لما تحسي انه مسك كويس لو مستعجلة
عليه ممكن تقلبيه ولو مش مستعجله ممكن تسيبيه في التلاجة لغايت تاني يوم .
ملحوظة:1_ممكن تعملي الخطوة التالتة والرابعة من غير ما تدخلي القالب
الفريزر وتبقي تدخليه مرة واحدة في الاخر
2_ازاي تقلبيه تجيبي قالب اكبر وتحطي فيه ميه سخنة وتحطي في قلبه قالب
الجيلي وتسيبيه 3 دقايق وبعدين تقلبيه في طبق وممكن تزوقي الجوانب باي
فاكهة تحبيها او تسيبيها كده .
اسيبكم بقا مع الصور

جنااااااااااااااااااااااااااااان

يم يم يم


شهتيني يالتورتة

شكلها رووعة

تسلم الايادي

دمتي بود ....